Forum.dealtimeauto.com 0 Obama Www Dealtimeauto Ja Deal Time Auto كيفية تنظيف الفلتر البيولوجي [الأرشيف] - منتدى الاسماك العربى

كان عندي سؤال لو عندي فلتر باور هيد 3 مراحل هل ممكن أغير الميديا الأسفنج اللي فيه بسيراميك وبايو بالز مثلا وفايبر أو ظلط صغير (حجم الفول النابت) عشان أخليه بيولوجي؟؟؟
كم مرة يمكنني تنظيف الفلتر يعني انظف الميديا بتاعة الفلتر مرة واحدة اسبوعيا ولا مرة كل أسبوعين ؟؟؟؟ وهل كل الميديا بتتنضف ولا أسيب السيراميك والظلط والبايو بالز مثلا من غير تنضيف وانضف بس الميديا السفنج أو الفايبر ؟؟؟؟ ولو معنديش غير فلتر واحد بس ومش عايز أحط فلترين وأكتفي بالواحد ده ازاي أنضف الميديا بتاعته وفي نفس الوقت أحافظ ع البكتيريا النافعة اللي مستعمرة الميديا:confused:؟؟؟
طب نفس الاسألة لو بسمن وعايز أعمل كده في أحواض التسمين ايه الأساليب المتبعة في التنضيف ولا مفيش فرق؟؟؟

وشكرااا لطول بالكوا وصبركوا واعتذر عن الاطالة.

طبعا ينفع تغير سفنج الفلتر بميديا بيولوجى, و لما تحب تنضفها تغسلها بمياه من نفس حوض السمك, و بكده البكتريا مش حتموت, بس مش كل الميديا تنفع بيولوجى, الظلط مثلا ناعم و مصمت فمبيسمحش بتكون مستعمرات بكتيرية كبيرة

شكرا لسرعة الرد منك أستاذي الكريم وبالنسبة للظلط أصلي شفت في فيديوهات أجنبي كتير كانوا بيحطوا ميديا مكونة من جرش صغير شبه الظلط أو الحصي .
طب سؤال كمان معلش هو بالنسبة للسيراميك برده يتشطف وانضفه ازاي ؟ يعني افضيه في جردل من مياه الحوض واشطفه في الجردل وارجعه في العلبة بتاع الميديا تاني ؟؟ وبعدين أنضف الميديا كلها أقصد المراحل التلاتة كلها ومش هتموت البكتيريا؟ وبعدين أنضف الميديا بتاعة الفلتر كل قد ايه مع العلم ان الحوض متر في الأساس .

وأسف علي الاطالة

الافضل في تنظيفات الفلاتر البيولوجية تتم على مراحل اي الاسفنج في وقت والميدا في وقت اخر والسيراميك في وقت لاحق اي يمكن ان يفرق بين كل مرحلة ومرحلة مقدار 5 - 7 ايام حتى لا يكون التنظيف في وقت واحد فنفقد الكثير من البكتيريا

وتنظيف الفلتر يعتمد على مساحة الحوض وعدد الاسماك وكمية الطعام اي يمكن ان تكون هناك تربية مكثفة وتغذية عالية فهنا يمكن التنظيف للمراحل كل اسبوعين تباعا كما ذكرنا

اما في الاحواض العادية فيمكن التنظيف كل 3 - 4 اسابيع تباعا لمراحل الفلترة المذكورة

اي ان نظام التربية الخاص بك هو من يحدد وقت التنظيف وسوف تحتاج الى تجربة لمرة او مرتين لتعرف متي يحتاج الفلتر الى التنظيف والتنظيف كما شرح اخي خالد ان يكون من ماء الحوض ويتم التنظيف في وعاء مستقل ثم اعادة الميديا مرة اخري الى مكانها كذلك الصوف والاسفنج والسيراميك والكرات ان وجدت

وكان ذلك استكمالا الى ما ذكره مشرفنا القدير خالد

شرفني ردك mr .jancoo دائما وأبدا واشكرك علي ردك المفصل الوافي.
وكل الشكر والتقدير والاحترام لمشرف القسم الأكثر من رائع أستاذ خالد واشكركم علي سرعة ردكم المميزة.

تحت أمرك يا أخى فى أى وقت و شكرا جزيلا على الاطراء الذى لا استحقة :)